المناكير.........المناكير.........المناكير
قصة كل بنت في الحياة
هي مش مجرد اللوان تنحط وخلاص ،هي في عيون البنات عالم للفن الخاص فيهم
نحكي لكم شوي عن مولد المناكير وحياتها
يرجع اصل المناكير للصين وهي من سنة 3000 ماقبل الميلاد وكانو يصنعونها من الشمع والعسل وبياض البيض والجيلاتين والاصباغ النباتية ولبان عربي ،وكان اللون الذهبي والفضي في هذاك الوقت يرمز للنبل والعراقة ،اما المصريين كان يستخدمون الحنا عشان تصير اظافرهم بنية او حمراء طبعا في 1هذاك الوقت كان اللون الغامق يرمز للطبقة الاجتماعية بحيث انه الطبقة الدنية كانت تستخدم الالون الباهته،لكن في القرن ال20 كانو يبغون اظافرهم تكون مطلية لأنهم طفشو من الكريمات اللي يستعملونها وكانو يبغون طريقة اسهل .
لكن بعدين صنعت شركة كيوتكس(cutex) اول مناكير وبعدين صنعت ملمعات ملونه وصار هذا بعد ماطلع صبغ السيارات عام 1917م
مثلا البشرة البيضاء :الاحلى لها انها تستخدم الاحمر القاني الكحلي الاسود الوردي الفسفوري طبعا البشرة البيضاء معظم الالوان تتناسب معها وهذا احلى شئ فيها
البشرة المتوسطة :وهي البشرة الي تكون ما بين البيضا ومابين السمراء ،والالوان الي تناسبها محدودة شوي ،بنفسجس فاتح لحمي وردي ازرق فاتح ذهبي وتحاول قد ماتقدر انها تتجنب الالوان الداكنة
ولكن اصعب حالة اختيار المناكير هي للبشرة السمراء(الداكنة )مش اي لون يضبط معاها وتناسبها الالوان الغامقة ،وتحاول تبتعد قد ماتقدر عن الالوان الفسفورية وبالذات الابيض والبرتقالي والفوشي لانها تعطي منظر يشتت العين ومايناسب البشرة ،وتستخدم الالوان الغامقة زي الكحلي والعنابي ودرجاتها .
في اغلب الاحيان طريقة استعمال المناكير يعكس شخصيتنا مثلا لوكانت عندك مناسبة ولبستي فستان وحطيتي مناكير بدرجة افتح او اغمق هذا يدل على انه شخصيتك موزونة وهذي هي الحالة الاولى
الحالة الثانية:اخترتي مناكير ماتناسب ملابسك لكنها تناسب اكسسواراتك ،لبستس اكسسوارات صفراء وحطيتي مناكير بنفس اللون هنا وفي هذي الحالة تكونين شخصية مضطربة ومتوترة وتحاولين انك تلفتين الانتباه بأي طريقة
الحالة الثالثة :اذا كان لون مناكيرك هو نفس لون الروج اللي تستخدمينه هنا تكون شخصيتك كلاسيكية ولكن هذي الكلاسيكة مارح تمشي مع الاناقة الا نادرا ولازم انك تكسرين الروتين وتحاولين تظهرين new look.
الحالة الرابعة :اذا كنتي تحبين موضة لكل اصبع لون يعني انك شخصية مرحة مرة وتحبين تلفتين الانتباه بكل بهجة ،لكن من وجهة نظري ماحبيتها لهالحركة لان مش اي شخص ممكن يتقبلها وممكن انه اختيار الالوان يكون خاطئ فيعطي انطباع خاطئ.
الحالة الخامسة :هي الحالمة:اللي تحاول تحط لون واحد من المناكير ولكن بأكثر من درجة ،وهذي الطريقة اللي تحبها البنات لأنها اسهل واجمل ومريحة للعين وجمالها في بساطتها
رسومات الاضافر
وهالموضة كل مرة تطلع بشكل جديد ومبتكر .
صحيح انها موضة قديمة ولكن ماكان بهذا الانتشار مقارنة مع الي احنا بنشوفه الحين ،صارت مش مجرد اللوان ورسومات صارت عالم كامل من الفن تلاقين فيه كل يوم افكار وطرق جديدة واجمل من اللي قبلها
ليست هناك تعليقات:
إرسال تعليق